"Манчестер Сити"нинг 23 ёшли ҳужумчиси Эрлинг Холанд Англия жамоасини тарк этиши мумкин.
Испан нашрларининг ёзишича, норвегиялик тўпурар фақат битта ҳолатда - агар унга "Реал"дан таклиф тушса, "Манчестер Сити"ни тарк этишни ўйлаб кўришга тайёр. Бироқ "Лос-Бланкос" норвегиялик футболчининг трансферини кўриб чиқишга ҳозирча тайёр эмас. Қайд этилишича, "Реал" президенти Флорентино Перес ва Холанднинг агенти Рафаэла Пимента ўртасида келишув мавжуд - "Реал" футболчини 2027 йилда эркин агент сифатида имзолайди ёки "Лос-Бланкос"даги ҳужум етакчиларидан бири клубни тарк этса, трансфер масаласини кўриб чиқади.
Холанд ўтган мавсумда "шаҳарликлар" сафида барча мусобақаларда 45 та ўйин ўтказиб, 35 та гол урди ва 6 та голли узатмани амалга оширди.
