«Реал»нинг икки ёш футболчиси ўртоқлик учрашувида жароҳат олди.
Мадрид клуби «Милан»га 0:1 ҳисобида имкониятни бой берди. Ўйин Чикагода бўлиб ўтди.
52-дақиқада «Лос-Бланкос»нинг 19 ёшли ярим ҳимоячиси Сесар Паласиос тиззасидан олган жароҳати сабаб алмаштирилди. "The Athletic" журналисти Марио Кортегана хабарига кўра, футболчи хоч боғламидан жароҳат олган. Паласиос Испанияга қайтади ва операцияга муҳтож ёки керак эмаслигини аниқлаш учун тестлардан ўтади.
Сесар ўрнига майдонга 20 ёшли Альваро Родригес тушди. 37-дақиқадан сўнг у ҳам алмаштирилди - форвард тўпиғидан жароҳат олди. Уругвайлик футболчи ҳам Испанияга қайтади.
