“Атлетико” Давид Ганцко учун “Фейеноорд”га 25 миллион евро таклиф қилди.
Испанлар дастлабки 20 миллионлик таклифдан сўнг суммани оширдилар, аммо клублар ҳалигача келишувга эриша олишмаяпти. "Фейеноорд" ҳимоячини 35 миллионга баҳолайди ва уларнинг талабларини пасайтирмоқчи эмас.
Натижада словакиялик футболчини қўлга киритишни устувор вазифа деб билган "Атлетико" муқобил вариантларни кўриб чиқа бошлади. Мумкин номзодлар орасида "Барселона" ҳимоячиси Клемент Лангле ҳам бор.
Ганцконинг ўзи "Атлетико Мадрид"га ўтмоқчи ва бу ҳақда ўз клубини бир неча бор хабардор қилган. Раҳбариятга босим ўтказишга уриниб, ҳатто ўтган чоршанба куни "Монако"га қарши ўртоқлик учрашувини ҳам ўтказиб юборди.
