Испаниялик ҳимоячи Рубен ле Норман жамоасини ўзгартирди. 27 ёшли испаниялик футболчи «Реал Сосьедад»дан «Атлетико Мадрид»га ўтди. Бу ҳақда «матрасчилар»нинг расмий сайти хабар берди.
Ле Норман пойтахт клуби билан 2029 йилнинг ёзига қадар мўлжалланган узоқ муддатли меҳнат шартномаси тузди. Аввалроқ матбуотда ҳимоячининг трансфери мадридликларга 34,5 миллион еврога тушиши ҳақида хабарлар тарқалган эди.
Ўтган мавсумда Ла Лигада Рубен 29 та ўйин ўтказиб, 2 та гол урди ва 13 та сариқ карточка олди. Испания терма жамоаси таркибида ҳимоячи 2024 йилги Европа чемпионатида ғолиб чиқди.
