«Бавария» Леон Горетцка билан хайрлашишга тайёр.
Журналист Флориан Плеттенбергнинг хабар беришича, мюнхенликлар яхши таклиф тушса, ярим ҳимоячини қўйиб юборишади. Бу ҳақда клуб спорт директори Макс Эберль 29 ёшли футболчининг вакилларини хабардор қилди.
Шу билан бирга, Горетцканинг ўзи кетишни истамайди. У «Бавария»да ўйнашда давом этмоқчи. У ўзига қизиқаётган жамоаларга (масалан, «Атлетико») ўтишни ўйламаяпти ва ҳеч ким билан музокаралар олиб бормаяпти.
Ўтган мавсумда Леон Бундеслигада 30 та ўйин ўтказиб, 7 та голли узатмани амалга оширди.
