«Тоттенхэм» «Ювентус» вингери Федерико Кьезани сотиб олмоқчи эмас.

Туринликлар 26 ёшли футболчини шу ёзда сотишга тайёр, чунки унинг шартномаси бир йилдан кейин тугайди ва янги шартнома бўйича музокаралар муваффақиятли тугамаган. Италиялик футболчига Англия Премьер-лигасининг бир қатор клублари, жумладан, «Тоттенхэм» қизиқиш билдирмоқда, бироқ «шпорлар» бу пойгада эмасдек. "Football Insider" хабарига кўра, лондонликлар миш-мишларга қарамай, трансферни режалаштирмаяпти.

«Арсенал», «Интер», «Наполи», «Рома» ва «Бешиктош» ҳам Федерико Кьеза учун даъвогарлар қаторида. "Transfermarkt" экспертлари «Ювентус» футболчисининг нархини 35 миллион еврога баҳоламоқда.