«Tottenxem» «Yuventus» vingeri Federiko Kyezani sotib olmoqchi emas.

Turinliklar 26 yoshli futbolchini shu yozda sotishga tayyor, chunki uning shartnomasi bir yildan keyin tugaydi va yangi shartnoma bo‘yicha muzokaralar muvaffaqiyatli tugamagan. Italiyalik futbolchiga Angliya Premyer-ligasining bir qator klublari, jumladan, «Tottenxem» qiziqish bildirmoqda, biroq «shporlar» bu poygada emasdek. "Football Insider" xabariga ko‘ra, londonliklar mish-mishlarga qaramay, transferni rejalashtirmayapti.

«Arsenal», «Inter», «Napoli», «Roma» va «Beshiktosh» ham Federiko Kyeza uchun da’vogarlar qatorida. "Transfermarkt" ekspertlari «Yuventus» futbolchisining narxini 35 million yevroga baholamoqda.