Нуссаир Мазрауи "Манчестер Юнайтед"га ўтишга яқин турибди.
Footmercato хабарига кўра, "Бавария" ҳимоячини сотишга рози бўлган. Томонлар трансфер бўйича тўлиқ келишувга эришдилар.
Марокашликка Манчестерга учиб кетиш рухсати берилди. Сешанба куни у тиббий кўрикдан ўтиши кутилмоқда, шундан сўнг у "5+1" схемаси бўйича шартнома имзолайди.
Бош мураббий Эрик тен Хаг Мазрауининг 10 август куни "Манчестер Сити"га қарши ўйинда дебют қилишига умид қилмоқда.
Олдинроқ "Манчестер Юнайтед" ҳимоячи учун 25 миллион евро тўламоқчилиги ҳақида хабарлар тарқалган эди.
