"Бавария" ҳужумчиси Томас Мюллер келажаги ҳақида фикр билдирди. 34 ёшли футболчининг Мюнхен клуби билан амалдаги шартномаси 2025 йилнинг ўрталарига қадар тузилган.
"Футбол менинг севгим ва иштиёқим. Шунинг учун имкон қадар ўйнашни давом эттиришга ҳаракат қиламан!" - деди Мюллер.
Аввалроқ, 2024 йилги Европа чемпионатидан сўнг Томас Мюллер Германия терма жамоасидаги фаолиятини якунлаганини маълум қилганди.
“Бавария” учун Мюллер турли мусобақаларда 707 та расмий ўйин ўтказганини қўшимча қиламиз. Уларда ҳужумчи 242 та гол урди ва 268 та голли узатмани амалга оширди.
