Бельгиянинг «Ломмель» клуби якшанба куни ҳужумкор ярим ҳимоячи Муҳаммад Салоҳ билан шартнома имзолаганини эълон қилди. Бельгияликлар «Ливерпуль» ва Премьер-лига юлдузини эмас, балки бошқа футболчини сотиб олишганини тахмин қилиш қийин эмас. Гап Бельгия ёшлар терма жамоасининг Марокаш паспортига эга 20 ёшли футболчиси ҳақида кетмоқда.
«Ломмель» Салоҳ билан 5 йиллик шартнома имзолади. Трансфер суммаси ошкор қилинмаяпти. Айтиш жоизки, «Ломмель» Бельгияда иккинчи дивизионида ўйнайди.
Юлдуз Муҳаммад Салоҳга келсак, у ҳозир «Ливерпуль» билан янги мавсумга тайёргарлик кўрмоқда.
