Леверкузеннинг "Байер" клуби "Ливерпул"нинг собиқ ҳимоячиси Жоэль Матип билан боғланди.
"Фармацевтлар" камерунликни "Бавария" даъво қилаётган Жонатан Танинг ўрнига асосий номзодлардан бири сифатида кўрди.
Журналист Патрик Бергернинг сўзларига кўра, "Байер" ва Матип ўртасида жуда ижобий музокаралар бўлиб ўтган, бироқ томонлар ҳамкорлик шартлари бўйича ҳалигача оғзаки келишувга эришмаган.
Қайд этилишича, марказий ҳимоячи Леверкузенга кўчиб ўтишни тўлиқ тасаввур қилмоқда, бироқ унда фаолиятини давом эттириш учун бошқа имкониятлари бор.