"Бавария" спорт директори Макс Эберль ярим ҳимоячи Брайан Сарагосанинг ижарага берилиши ҳақида гапирди.
"Агар қанот ҳужумчиси позицияларига назар ташласак, Брайан таркибда кўпроқ ўйин амалиёти олиши қийин бўлади. Унинг фидойилик кўрсатиб: "Мен ривожланиб, ҳақиқий "Бавария" ўйинчиси бўлишни хоҳлайман" дегани яхши, деб ўйлаймиз. Аммо бу ерда ҳаттоки таркибга кириш қийин. Шу боис, биз унга муносиб ижара вариантини топишга ҳаракат қиляпмиз", - дея Эберль сўзларини келтиради AS.
Сарагосанинг ижараси учун асосий даъвогарлар "Валенсия" ва "Жирона". Бироқ, "кўршапалаклар" футболчи учун устувор вариант ҳисобланади.