Давид Де Хеа фаолиятини А Серияда давом эттириши мумкин.
"Фиорентина" 33 ёшли дарвозабонни ўз сафига қўшиб олмоқчи, дея хабар беради Viola News La Nazione нашрига таяниб. Испаниялик футболчи жамоанинг янги бош мураббийи Раффаэле Палладинонинг талабларига жавоб беради.
Флоренция клуби футболчи билан унинг маоши борасида келишувга эриша олишига ишонч билдирмоқда.
Агар Де Хеа билан шартнома имзоланса, "Фиорентина" Петро Террачиано ёки Оливер Кристенсенни сотиб юборади. Испаниялик футболчи 2023 йилнинг ёзида "Манчестер Юнайтед"ни тарк этганидан кейин эркин агент ҳисобланади.