Ҳужумчи Эндрик ва ярим ҳимоячи Арда Гюлер машғулотларни тўхтатишга мажбур бўлди.
Чоршанба куни “Лос-Бланкос” Лондоннинг “Челси” клуби билан ўртоқлик ўйини ўтказади ва ҳар иккала ёш иқтидор соҳиби бўлажак ўйинни ўтказиб юбориш хавфи остида. Журналист Гилермо Раи хабарига кўра, 18 ёшли бразилиялик ва 19 ёшли туркиялик душанба куни "Реал Мадрид" машғулотини якунлай олмади. Қайд этилишича, иккала футболчи ҳам ортиқча юкламалар туфайли жабрланган.
Эндрик ўтган ойда Бразилиянинг "Палмейрас" жамоасидан мадридликлар сафига қўшилди. Арда Гюлер ўтган ёздан бери Карло Анчелотти жамоасида тўп тепмоқда.
