Hujumchi Endrik va yarim himoyachi Arda Gyuler mashg‘ulotlarni to‘xtatishga majbur bo‘ldi.
Chorshanba kuni “Los-Blankos” Londonning “Chelsi” klubi bilan o‘rtoqlik o‘yini o‘tkazadi va har ikkala yosh iqtidor sohibi bo‘lajak o‘yinni o‘tkazib yuborish xavfi ostida. Jurnalist Gilermo Rai xabariga ko‘ra, 18 yoshli braziliyalik va 19 yoshli turkiyalik dushanba kuni "Real Madrid" mashg‘ulotini yakunlay olmadi. Qayd etilishicha, ikkala futbolchi ham ortiqcha yuklamalar tufayli jabrlangan.
Endrik o‘tgan oyda Braziliyaning "Palmeyras" jamoasidan madridliklar safiga qo‘shildi. Arda Gyuler o‘tgan yozdan beri Karlo Anchelotti jamoasida to‘p tepmoqda.
