Sky Sport нашри хабар беришича, "Бавария" вингери Лерой Сане, миш-мишларга қарамасдан, ёзги трансфер ойнасида жамоани тарк этмайди.
Манбанинг хабарига кўра, 28 ёшли германиялик футболчи бутун бор эътиборини мюнхенликлар жамоасида ўйнаш ва эҳтимолий шартнома узайтиришга қаратган.
Саненинг клуб билан ҳамкорлик шартномаси келаси йилнинг ёзигача амал қилади. Аммо янги шартнома имзолаш ҳали якуний босқичда эмас. Шу боис, вингерни сотиб олиш вариантини кўриб чиқаётган "Арсенал" Сане атрофидаги вазиятни диққат билан кузатиб бормоқда. Лондон бош мураббийи Микель Артета ярим ҳимоячи билан "Манчестер Сити"да ишлаган даврларидан бери яхши муносабатда.
Эслатиб ўтамиз, июль ойи бошида Лерой Сане эски жароҳати туфайли операция қилингани ҳақида хабар берилганди.
