Sky Sport nashri xabar berishicha, "Bavariya" vingeri Leroy Sane, mish-mishlarga qaramasdan, yozgi transfer oynasida jamoani tark etmaydi.

Manbaning xabariga ko‘ra, 28 yoshli germaniyalik futbolchi butun bor e’tiborini myunxenliklar jamoasida o‘ynash va ehtimoliy shartnoma uzaytirishga qaratgan.

Sanening klub bilan hamkorlik shartnomasi kelasi yilning yozigacha amal qiladi. Ammo yangi shartnoma imzolash hali yakuniy bosqichda emas. Shu bois, vingerni sotib olish variantini ko‘rib chiqayotgan "Arsenal" Sane atrofidagi vaziyatni diqqat bilan kuzatib bormoqda. London bosh murabbiyi Mikel Arteta yarim himoyachi bilan "Manchester Siti"da ishlagan davrlaridan beri yaxshi munosabatda.

Eslatib o‘tamiz, iyul oyi boshida Leroy Sane eski jarohati tufayli operasiya qilingani haqida xabar berilgandi.