Каталониянинг "Барселона" клуби "Лейпциг" ярим ҳимоячиси Дани Ольмонинг трансфери бўйича келишувга эришди, деб хабар беради инсайдер Фабрицио Романо.
Манбага кўра, келишув кафолатланган тўловлар кўринишида 55 миллион евро ва бонуслар сифатида яна 7 миллион еврони ташкил қилади. Ольмо "кўк-анорранглилар" билан 2030 йилнинг ёзига қадар шартнома имзолайди.
Ўтган мавсумда Дани клуб ва терма жамоа сафида барча турнирларда 32 та ўйинда қатнашиб, 13 та гол ва 7 та голли узатмага муаллифлик қилган. Футболчининг "Лейпциг" билан амалдаги шартномаси 2027 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 60 миллион еврони ташкил қилади.
