Инсайдер Фабрицио Романо ўзининг ижтимоий тармоғида "Челси" ярим ҳимоячиси Конор Галлахернинг "Атлетико Мадрид"га трансфери миқдорини эълон қилди.
Романонинг сўзларига кўра, "матрасчилар" англиялик футболчи учун 43 миллион евро тўлайдилар. Ярим ҳимоячининг янги клуби билан шартномаси эса яқин беш йил давомида амал қилади.
Аввалроқ Галлагернинг янги жамоага ўтишида "Атлетико"нинг узоқ йиллик бош мураббийи Диего Симеоне муҳим роль ўйнагани ҳақида хабар берилган эди. Симеоненинг ўзи Галлахерга ўз жамоасининг марказий фигураси сифатида ишонмоқда.
Галлахер 24 ёшда, Лондоннинг “Челси” клуби тарбияланувчиси. 2021 йилдан бери ярим ҳимоячи Англия терма жамоасига чақирилган.
