Insayder Fabrisio Romano o‘zining ijtimoiy tarmog‘ida "Chelsi" yarim himoyachisi Konor Gallaxerning "Atletiko Madrid"ga transferi miqdorini e’lon qildi.
Romanoning so‘zlariga ko‘ra, "matraschilar" angliyalik futbolchi uchun 43 million yevro to‘laydilar. Yarim himoyachining yangi klubi bilan shartnomasi esa yaqin besh yil davomida amal qiladi.
Avvalroq Gallagerning yangi jamoaga o‘tishida "Atletiko"ning uzoq yillik bosh murabbiyi Diyego Simeone muhim rol o‘ynagani haqida xabar berilgan edi. Simeonening o‘zi Gallaxerga o‘z jamoasining markaziy figurasi sifatida ishonmoqda.
Gallaxer 24 yoshda, Londonning “Chelsi” klubi tarbiyalanuvchisi. 2021 yildan beri yarim himoyachi Angliya terma jamoasiga chaqirilgan.
