"Милан" клубининг спорт ва тижорат масалалари бўйича маслаҳатчиси ҳамда "Милан", "Ювентус", "Интер", "ПСЖ", "Барселона" ва "Манчестер Юнайтед" клубларининг собиқ ҳужумчиси Златан Ибраҳимович нима учун 2018 йилда "Лос-Анжелес Гэлакси"га ўтгани ва нима учун 2020 йилнинг январида 38 ёшида "Милан"га қайтганини тушунтириб берди.

"Америкага кўчиб ўтганим? Бу менинг тириклигимни текшириш истаги билан боғлиқ эди. Ва мен ҳали ҳам тирик эканлигимни англадим. Бу муаммога айланди. Мен ўзимга тегишли бўлган жойга қайтишим керак эди", - дедия Ибраҳимович The Athletic билан суҳбатда.

2018 йилнинг март ойида 36 ёшида Златан Ибраҳимович тиззасидаги жароҳатидан тузалгач, "Манчестер Юнайтед"дан "Лос-Анжелес Гэлакси"га кўчиб ўтди. Американинг клуби сафида ҳужумчи барча турнирларда 58 та ўйин ўтказиб, 53 та гол урди ва 15 та голли узатмани амалга оширди.

2020 йилнинг январида Ибраҳимович "Милан"га қайтди, у аввалроқ 2010 йилнинг августидан 2012 йилнинг июлигача ўйнаган "россонерилар"га қайтганида форвард 38 ёшда эди. Фаолиятини якунлашдан аввал Златан "Милан" сафида 78 та ўйин ўтказиб, 37 та гол урди ва 11 та голли узатмани амалга оширди.