"Фулхэм"нинг янги трансфери Эмиль Смит-Роу "Арсенал" билан қандай хайрлашганини айтиб берди.
"Боғбонлар" 2 август куни 24 ёшли футболчи билан шартнома имзолаганини расман эълон қилди. Трансфер нархи 30 миллион евродан ошди. Ҳужумкор ярим ҳимоячи 2010 йилдан бери "канонирлар" тизимида ўйнаб келаётганди.
"Бу, албатта, "Арсенал"да узоқ вақт ўтказганим учун ҳиссий ўтиш бўлди. Албатта, кетиш қийин бўлди, лекин ҳозир мен яхши клубдаман ва ўзимни бахтли ҳис қиляпман. "Фулхэм"да улар менга ишонч қозонишимга ва тезда мослашиб олишимга ёрдам беришди", деди Смит-Роу.
