"Манчестер Юнайтед" бош мураббийи Эрик тен Хаг "Олд Траффорд"га яқинда ёрдамчи мураббий этиб тайинланган Рууд ван Нистелройнинг ишидан умидлари билан ўртоқлашди.
"Ван Нистелрой бутун жамоага ёрдам бериши керак, айниқса "Манчестер Юнайтед" ҳужумчиларига. Рууд ўз вақтида ақл бовар қилмайдиган форвард эди" - деди Тен Хаг матбуот анжуманида.
Бунгача 48 ёшли ван Нистелрой ПСВ клуби бош мураббийи сифатида ишлаган ва жамоа билан Нидерландия кубогини қўлга киритганди.
Рууд футболчилик фаолияти давомида "Манчестер Юнайтед" либосида 150 та гол урган, 2002/03 йилги мавсумда эса Англия Премьер-лигасининг энг яхши тўпурари бўлган.
