Леверкузеннинг "Байер" клуби марказий ҳимоячиси Пьеро Инкапье шу ойда Хаби Алонсо жамоасини тарк этиши мумкин.
Журналист Флориан Плеттенберг берган маълумотларга кўра, эквадорлик футболчи янада кучлироқ жамоага кетмоқчи.
Манбага кўра, айрим клублар Инкапье трансфери бўйича ҳозирданоқ музокаралар олиб боришмоқда, бироқ ҳозирча келишувга эришилмаган. Янги жамоада Пьеро асосий таркибда мунтазам равишда майдонга тушишни хоҳлайди.
22 ёшли Инкапьега аввалроқ Англия Премьер-лигаси клублари, жумладан, "Ливерпуль" ҳам қизиқиш билдирган. Германия Бундеслигасининг сўнгги мавсумида марказий ҳимоячи битта гол урди ва иккита голли узатмани амалга оширди.
