Leverkuzenning "Bayer" klubi markaziy himoyachisi Pyero Inkapye shu oyda Xabi Alonso jamoasini tark etishi mumkin.
Jurnalist Florian Plettenberg bergan ma’lumotlarga ko‘ra, ekvadorlik futbolchi yanada kuchliroq jamoaga ketmoqchi.
Manbaga ko‘ra, ayrim klublar Inkapye transferi bo‘yicha hozirdanoq muzokaralar olib borishmoqda, biroq hozircha kelishuvga erishilmagan. Yangi jamoada Pyero asosiy tarkibda muntazam ravishda maydonga tushishni xohlaydi.
22 yoshli Inkapyega avvalroq Angliya Premyer-ligasi klublari, jumladan, "Liverpul" ham qiziqish bildirgan. Germaniya Bundesligasining so‘nggi mavsumida markaziy himoyachi bitta gol urdi va ikkita golli uzatmani amalga oshirdi.
