Эмерсон Роялнинг трансфери "Милан"нинг асосий мақсади эмас.
Бу ҳақда журналист Бен Жейкобс хабар бермоқда. Унга кўра, клуб ҳозирда ярим ҳимоя ва ҳужум чизиғини кучайтиришни афзал кўради.
Ўтган ҳафта инсайдер Фабрицио Романо "Милан" аввалроқ футболчини 10 миллион еврога сотишдан бош тортган "Тоттенхэм"га янги таклиф билан чиққани ҳақида ёзган эди.
Яхшиланган таклиф қўшимча бонуслар билан 15 миллион еврони ташкил этди. Клублар ўртасидаги музокаралар якуний босқичда экани, футболчи италияликлар билан шахсий шартнома борасида келишиб олгани ҳақида хабар берилганди.
