"Барселона" Нико Уильямс ўрнига Кингсли Команни сотиб олиши мумкин.
Аввалроқ, Каталония клубига 28 ёшли вингер хизматини таклиф қилгани маълум бўлганди. "Бавария" уни ижарага беришга тайёр - сотиб олиш мажбурияти билан.
Агар "Барселона" Нико Уильямсни қўлга кирита олмаса, Коман муқобил вариант бўлиши мумкин, дея хабар беради Sky Sports журналисти Керри Хоу. Дани Ольмо билан шартнома имзолагандан сўнг, "блауграна" янги трансфер ва рўйхатдан ўтказиш учун биринчи навбатда катта савдоларни амалга ошириши керак.
Ханс-Дитер Флик Команнинг ашаддий мухлиси бўлиб қолмоқда.
Флориан Плеттенбергнинг қўшимча қилишича, "Барселона" сўнгги бир неча кун ичида франциялик футболчининг агентлари билан алоқада бўлган.
