Альфонсо Дэвис шу йилиёқ "Реал"га ўтиши мумкин.
AS хабарига кўра, "Бавария" канадалик футболчини шартномаси 2025 йилда тугагач, уни текинга қўйиб юборишдан кўра, шу ёзда сотишни афзал кўради. Дэвис аллақачон трансферга қўйилган ва мюнхенликлар уни трансфер ойнаси тугагунига қадар сотишга ҳаракат қилишади.
Ҳимоячининг бошланғич нархи 50 миллион евро этиб белгиланган. Футболчининг ўзи 2025 йилдан бошлаб "Реал"да ўйнашни хоҳлаётганига аллақачон қарор қилган эди, бироқ унинг шартномаси бўйича музокаралар ҳали бошланиб бўлмади, чунки ФИФА қоидалари бунга 1 январгача, яъни амалдаги шартномаси тугашига олти ой вақт қолганида рухсат бермайди.
Манбага кўра, ёзда футболчини йўқотиш хавфидан қочиш учун “Реал” “Бавария” билан Дэвисни 30 миллион еврога сотиб олиш бўйича музокараларни бошлаши ёки футболчининг “Реал”ни шартнома охиригача кутиш ҳақидаги ваъдасига ишониши мумкин. Бу ҳолатда "Бавария" бир мавсум ҳимоячига босим ўтказиши мумкин.
