Маурисио Почеттино АҚШ термасини бошқариши мумкин.
Аргентиналик мутахассис Америка терма жамоаси бош мураббийи лавозимига асосий номзод, деб ёзади The Athletic. У июль ойида ишдан бўшатилган Грегг Берхалтернинг ўрнини эгаллаши мумкин эди.
Айни дамда АҚШ футбол федерацияси U20 терма жамоасини бошқараётган Майки Варасни миллий терма жамоа бош мураббийи вазифасини бажарувчи этиб тайинлашни режалаштирмоқда. Доимий мураббий тайинлаш бўйича қарор сентябрь ойигача қабул қилиниши мумкин.
Почеттинонинг сўнгги клуби "Челси" бўлиб, у 2023/24 йилги мавсум охирида уни тарк этганди.
