«Ницца»нинг марказий ҳимоячиси Жан-Клер Тодибо фаолиятини қаерда давом эттириш борасида қарор қабул қилди.

«Ювентус» анчадан буён франциялик футболчини ўз сафига қўшиб олишга қизиқиб келган, 24 ёшли футболчи аввалроқ туринликлар таклифига рози бўлганди, аммо «Вест Хэм» пойгада ғалаба қозонишга муваффақ бўлди. «Болғачилар» «Ницца»нинг талабларини қондира олишди, «бьянконерилар» бундай тўловларни тўлашга тайёр эмас. Энди Тодибонинг ўзи «Вест Хэм»га ўтишни маъқуллади, дея хабар беради журналист Санти Ауна. Лондонликлар раҳбарияти келишувни якунлаш устида ишламоқда, «Ювентус» эса бошқа номзодлар вариантига ўтиб бўлган.

Жан-Клер Тодибонинг «Вест Хэм»га трансфери тахминан 40 миллион еврони ташкил қилади.