«Nissa»ning markaziy himoyachisi Jan-Kler Todibo faoliyatini qayerda davom ettirish borasida qaror qabul qildi.

«Yuventus» anchadan buyon fransiyalik futbolchini o‘z safiga qo‘shib olishga qiziqib kelgan, 24 yoshli futbolchi avvalroq turinliklar taklifiga rozi bo‘lgandi, ammo «Vest Xem» poygada g‘alaba qozonishga muvaffaq bo‘ldi. «Bolg‘achilar» «Nissa»ning talablarini qondira olishdi, «byankonerilar» bunday to‘lovlarni to‘lashga tayyor emas. Endi Todiboning o‘zi «Vest Xem»ga o‘tishni ma’qulladi, deya xabar beradi jurnalist Santi Auna. Londonliklar rahbariyati kelishuvni yakunlash ustida ishlamoqda, «Yuventus» esa boshqa nomzodlar variantiga o‘tib bo‘lgan.

Jan-Kler Todiboning «Vest Xem»ga transferi taxminan 40 million yevroni tashkil qiladi.