Дортмунднинг "Боруссия" клуби Бундеслига ҳужумчиси билан шахсий шартнома шартларини келишиб олди.
Журналист Фабрицио Романонинг хабарига кўра, "арилар" "Хоффенхайм" ҳужумчиси Максимилиан Байер билан ҳамкорлик шартлари бўйича тўлиқ келишиб олган. Манбанинг хабарига кўра, Дортмунднинг "Боруссия" клуби ҳали "Хоффенхайм"нинг ўзи билан товон пули борасида келишиб олгани йўқ.
Максимилиан Нури Шаҳин жамоасига ўтиш вариантини танлади, гарчи унинг хизматларига Лондоннинг "Челси" жамоаси ва "Байер Леверкузен" каби клублар ҳам қизиқиш билдиришган бўлса ҳам. 21 ёшли форвард Бундеслиганинг сўнгги мавсумида 33 та ўйинда майдонга тушиб, 16 та гол урди ва битта голли узатмани амалга оширди.
