«Ювентус» вингери Федерико Кьеза янги клуб излашга мажбур.
"Бьянконерилар" 26 ёшли футболчини трансферга қўйишди, чунки жамоанинг янги бош мураббийи Тиаго Мотта уни режаларига киритмаган. Миш-мишлар италияликни турли мамлакатларнинг кўп сонли клублари билан боғлаган, аммо унга фақат «Рома» аниқ қизиқиш билдирган, дея хабар беради инсайдер Николо Скира. «Милан» ҳам Кьезанинг агенти билан боғланди, аммо музокаралар олдинга силжимади ва «Интер» сояда кутишда давом этмоқда.
Июль ойи охирида Федерико Кьезанинг «Тоттенхэм» ёки «Арсенал»га ўтиши мумкинлиги ҳақида хабарлар тарқалган эди. Бу маълумот тасдиқланмаган.
