Оғир атлетиканинг 109 кг. вазн тоифасида Токио-2020 олимпиадаси чемпиони Акбар Жўраев Париждаги турнирда янги вазнда (102 кг.) кумуш медаль соҳибига айланди.

Ҳамюртимиз даст кўтариш йўналишида 185 кг. натижа билан учинчи ўринни эгаллаб турганди.

Акбар силтаб кўтариш йўналишида илк уринишдаёқ 119 кг.ни кўтариб, медални кафолатлаб қўйди ҳамда у ёғига олтин медаль учун ҳаракат қилди.

Афсуски, Жўраев иккинчи уринишда 224 кг оғирликни кўтара олмади. Машқнинг иккинчи қисмида унга бироз баландлик етмай қолди.

Шундан сўнг мураббийлар оғирликни жуда юқори кўтариб қўйиб, хитойлик Лью Хуанхуани кутишга қарор қилишди. Хитой атлети 220 кг.ни кўтаргач, унинг 228 кг. уринишини ҳакамлар инобатга олишмади.

Акбар Жўраев таваккал қилиб, 232 кг.га буюрма берди. Бу эса ватандошимизга қийинлик қилди. Натижада ўзбек полвони кумуш медаль билан чекланди.

Париж-224. Оғир атлетика. Эркаклар, 102 кг.

1. Лью Хуанхуа (Хитой) — 186 + 220 = 406 кг
2. Акбар Жўраев (Ўзбекистон) — 185 + 219 = 404 кг.
3. Евгений Циханцов (мустақил спортчи) — 183 + 219 = 402 кг.