Og‘ir atletikaning 109 kg. vazn toifasida Tokio-2020 olimpiadasi chempioni Akbar Jo‘rayev Parijdagi turnirda yangi vaznda (102 kg.) kumush medal sohibiga aylandi.
Hamyurtimiz dast ko‘tarish yo‘nalishida 185 kg. natija bilan uchinchi o‘rinni egallab turgandi.
Akbar siltab ko‘tarish yo‘nalishida ilk urinishdayoq 119 kg.ni ko‘tarib, medalni kafolatlab qo‘ydi hamda u yog‘iga oltin medal uchun harakat qildi.
Afsuski, Jo‘rayev ikkinchi urinishda 224 kg og‘irlikni ko‘tara olmadi. Mashqning ikkinchi qismida unga biroz balandlik yetmay qoldi.
Shundan so‘ng murabbiylar og‘irlikni juda yuqori ko‘tarib qo‘yib, xitoylik Lyu Xuanxuani kutishga qaror qilishdi. Xitoy atleti 220 kg.ni ko‘targach, uning 228 kg. urinishini hakamlar inobatga olishmadi.
Akbar Jo‘rayev tavakkal qilib, 232 kg.ga buyurma berdi. Bu esa vatandoshimizga qiyinlik qildi. Natijada o‘zbek polvoni kumush medal bilan cheklandi.
Parij-224. Og‘ir atletika. Erkaklar, 102 kg.
1. Lyu Xuanxua (Xitoy) — 186 + 220 = 406 kg
2. Akbar Jo‘rayev (O‘zbekiston) — 185 + 219 = 404 kg.
3. Yevgeniy Sixansov (mustaqil sportchi) — 183 + 219 = 402 kg.
