«Манчестер Сити» Англия Суперкубоги учун баҳсда «Манчестер Юнайтед»ни мағлуб этди (1:1, пенальтилар бўйича 7:6).

Учрашувнинг 82-дақиқасида Алехандро Гарначо ҳисобни очди. Бернарду Силва жавоб голини 89-дақиқада киритди.

Ўйиндан кейинги серияда Силва ўз уринишини голга айлантира олмади. Жэйдон Санчонинг зарбасини Эдерсон қайтарди, Жонни Эванс эса паненкани аниқ амалга ошира олмади.

2024 йилда «шаҳарликлар» Премьер-лига чемпионига айланишди, «қизил иблислар» эса ўтган мавсумда Англия кубогини қўлга киритишганди.

Манчестер Сити – Манчестер Юнайтед 1:1 (0:0, 1:1)

10 август, 19:00, «Уэмбли»

Голлар: 0:1 – 82 Гарначо, 1:1 – 89 Бернарду Силва.

Манчестер Сити – Эдерсон, Гвардиол (Аке, 90), Рубен Диаш, Аканджи, Льюис, Макати (Бернарду Силва, 80), Ковачич, О`Райли (Матеуш Нунеш, 63), Доку (Савио, 63), Холанд, Бобб (де Брюйне, 90).

Манчестер Юнайтед – Онана, Мартинес, Эванс, Магуайр (Пельистри, 58), Диогу Далот, Майну (Коллиер, 59), Каземиро, Маунт (Мактоминей, 58), Рэшфорд (Санчо, 83), Диалло (Гарначо, 59), Бруну Фернандеш.

Огоҳлантиришлар: Матеуш Нунеш (68), Бернарду Силва (85).