Todofichajes саҳифаларида хабар қилинганидек, "Реал Мадрид" келаси ёз учун иккита катта трансферни режалаштирган.
"Қироллик клуби"нинг қизиқишлари орасида "Ливерпуль" қанот ҳимоячиси Трент Александр-Арнольд ва "Интер" марказий ярим ҳимоячиси Николо Барелла бор. "Лос Бланкос" инглиз футболчиси билан текинга шартнома имзолаши мумкин, чунки унинг шартномаси 2025 йилнинг ёзида тугайди. "Реал Мадрид" Барелланинг трансфери учун пул тўлаши керак, чунки у "нерадзуррилар" билан яна 5 йилга шартнома тузган. Унинг бозордаги нархи 80 миллион еврони ташкил қилади.
Ўтган мавсумда "Реал Мадрид" Испания чемпиони ва УЕФА Чемпионлар Лигаси ғолибига айланди.
