Суперлигада 15-тур ўйинлари давом эттирилди. "Сўғдиёна" жамоаси бу тур ўз майдонида "Метталург"ни қабул қилди ва 2:2 ҳисобида дуранг ўйнади. Беллашувдан сўнг меҳмонлар бош мураббийи Григорий Колосовский матбуот анжуманида иштирок этди.

Жуда оғир ўйин бўлди. Биринчи бўлимда Жиззах клубида устунлик кўзга ташланди, аммо иккинчи таймда вазиятни ўзгартира олдик. Бугун рақибни 3 кун аввал оғир ўйин ўтказгани сезилди. Ўйин икки жамоа учун ҳам оғир бўлди. Якун ҳаққоний бўлди. Улар ҳам, биз ҳам очко йўқотдик.

Жамоа дуранглар сериясинини давом эттирмоқда. Натижадан қониқдингизми?

Ҳисобдан рози бўлсамда, бу очко бизни омон қолиш зонасига қадар олиб чиқмайди. Жиззах клубида бўлгани каби, бизда ҳам олдимизга қўйган режалар бор. Афсуски, 3 очко олиб "Локомотив"га яқинлашиб олишни уддалай олганимиз йўқ. "Сўғдиёна"га ҳам йўқотилган очко панд бериши мумкин. Бугун хатоларимиз сабабли голлар ўтказиб юбордик.