Superligada 15-tur o‘yinlari davom ettirildi. "So‘g‘diyona" jamoasi bu tur o‘z maydonida "Mettalurg"ni qabul qildi va 2:2 hisobida durang o‘ynadi. Bellashuvdan so‘ng mehmonlar bosh murabbiyi Grigoriy Kolosovskiy matbuot anjumanida ishtirok etdi.
Juda og‘ir o‘yin bo‘ldi. Birinchi bo‘limda Jizzax klubida ustunlik ko‘zga tashlandi, ammo ikkinchi taymda vaziyatni o‘zgartira oldik. Bugun raqibni 3 kun avval og‘ir o‘yin o‘tkazgani sezildi. O‘yin ikki jamoa uchun ham og‘ir bo‘ldi. Yakun haqqoniy bo‘ldi. Ular ham, biz ham ochko yo‘qotdik.
Jamoa duranglar seriyasinini davom ettirmoqda. Natijadan qoniqdingizmi?
Hisobdan rozi bo‘lsamda, bu ochko bizni omon qolish zonasiga qadar olib chiqmaydi. Jizzax klubida bo‘lgani kabi, bizda ham oldimizga qo‘ygan rejalar bor. Afsuski, 3 ochko olib "Lokomotiv"ga yaqinlashib olishni uddalay olganimiz yo‘q. "So‘g‘diyona"ga ham yo‘qotilgan ochko pand berishi mumkin. Bugun xatolarimiz sababli gollar o‘tkazib yubordik.
