Лондоннинг “Челси” клуби 2022/23 йилги мавсумнинг иккинчи ярмида ижара асосида “кўклар” сафида тўп сурган ҳужумчи Жоау Феликсни ўз сафига қайтариши мумкин. Журналист Фабрицио Романонинг хабарига кўра, ўтган ёзда "Челси" футболчини ўзида сақлаб қолмоқчи бўлган, бироқ бош мураббий Маурисио Почеттино португалияликнинг хизматларидан бош тортган.
Эндиликда "Челси" бош мураббийи Энцо Мареска Феликсни жамоага таклиф қилишга қарши эмас. Португалиялик ҳужумчи аввал ўзини қулай ҳис қилган "кўклар" сафига қайтишга тайёр.
Эслатиб ўтамиз, Феликс ўтган мавсумда “Барселона”да ижара асосида ўйнаган, аммо “кўк-анорранглилар” футболчини сотиб олишга қизиқмаяпти. Жоауга "Астон Вилла" ҳам қизиқиш билдирмоқда.
