Ҳафта охирида Жанубий Корея ва Хитой чемпионатларида ҳам тур учрашувлари давом эттирилди.

К-лига пешқадами - "Поханг Стилерз" саккизинчи турда ҳам ўз ҳисобига уч очко ёзиб қўйди. "Жежу Юнайтед" клубини қабул қилган поханликлар Мёнг Жу Лининг 83-дақиқада киритган ягона голи эвазига ғалаба қозондилар. ОЧЛдаги рақибларимиз саккиз учрашувда 18 очко жамғаришган ҳолда биринчи поғонани банд этиб туришибди.

Хитой суперлигасининг 6-турида "Бейцзин Гоан" аъзолари "Гуйчжоу Жэньхэ" жамоасини қабул қилишиб, 1:1 ҳисобидаги дуранг натижа қайд этишди. 50-дақиқада Рафа Жорда меҳмонларни олдинга олиб чиққан бўлса, орадан икки дақиқа ўтиб Леи Тенглонг ўртадаги мувозанатни тиклади. Қайд этилган дуранг Александр Станоевич шогирдларини тўртинчи поғонага тушириб юборди.

Эслатиб ўтамиз, 23 апрель куни Тошкент вақти билан соат 16:30да Пекинда "Бейцзин Гоан" - "Поханг Стилерз" учрашуви бошланади.