Умарали Раҳмоналиев Олимпия ўйинларидаги яшаш шароитини танқид қилди.

Париж Олимпиадасида Ўзбекистон терма жамоаси 3 та ўйинда 1 очко жамғариб, “С” гуруҳида сўнгги ўринни эгаллади.

Жамоа Испания (1:2) ва Мисрга (0:1) мағлуб бўлди, Доминикан Республикаси билан дуранг ўйнади (1:1). Раҳмоналиев ҳар учала учрашувда иштирок этди.

"Олимпиада олдидан клуб ва федерациямиз ўртасида суҳбат бўлиб ўтди. Клуб мени хотиржам қўйиб юбориш тарафдори эди, чунки бундай воқеа ҳаётда бир марта содир бўлиши мумкин эди. Ҳеч қандай муаммо йўқ эди.

Турнир ташкилотчилиги борасида бундан ҳам кўпроқ нарсани кутгандик. Кўпгина давлатлар келган бўлса-да, ташкилот бошқа халқаро мусобақаларга қараганда ёмонроқ тарзда ёдда қолди. Ўйлайманки, бошқа иштирокчилар ҳам ташкилотчилардан кўпроқ нарсани кутишган", – деди Рахмоналиев.