"Манчестер Юнайтед" ярим ҳимоячиси Скотт Мактоминай трансфер ойнасининг сўнгги кунигача ўз клубида қолиши мумкин.

The Athletic нашри хабарига кўра, шотландиялик ярим ҳимоячида фаолиятини давом эттириш учун бир нечта вариант бор. Манбага кўра, Мактоминай хизматларига Лондоннинг "Фулхэм", "Эвертон", "Брентфорд", "Галатасарой", "Фенербахче" ва "Наполи" каби клублар қизиқиш билдирмоқда.

Скотт фаолиятини қайси клубда давом эттиришини ҳали ҳал қилмаган. Олдинроқ "Манчестер Юнайтед" ўзининг 27 ёшли шогирди учун 40 миллион евро товон пули талаб қилиши хабар қилинганди. Скотт ўтган мавсумда Англия Премьер-лигасида 7 та гол урди.