"Барселона" ярим ҳимоячиси Френки де Йонг ёзда фаолиятини "Манчестер Юнайтед"да ўтказиши мумкин, деб хабар бермоқда Daily Mail нашри.
Англия клуби нидерландиялик футболчини сотиб олишга қизиқишни кучайтирди. "Манкунианликлар"нинг 50 миллион евролик биринчи таклифи рад этилди, бироқ каталонияликларнинг янги футболчиларни рўйхатдан ўтказишдаги қийинчиликлари ҳақидаги маълумотлардан сўнг улар ярим ҳимоячини қўлга киритиш учун яна уриниб кўришга тайёр.
Олдинроқ "Барселона" 55 миллион еврога сотиб олинган янги футболчи Дани Ольмони рўйхатдан ўтказа олмагани маълум бўлганди. Молиявий фэйр-плейга риоя қилиш учун у 60 миллионлик футболчиларни сотиши керак. Шу сабабли клуб де Йонг билан хайрлашишга тайёр.
Дастлаб "Барселона" нидерландиялик футболчининг нархини 70 миллион қилиб белгилаганди.
