Икки карра Олимпиада чемпиони (2020, 2024) Баҳодир Жалолов Инстаграм саҳифасида ҳаваскор боксдаги фаолияти якунланганини маълум қилди.
"Алҳамдулиллаҳ! Ҳаётимнинг 15 йилини ҳаваскор боксга бағишладим. Ҳар нарсани боши бўлганидек, якуни ҳам бор. Мана шу кун келди. Бу узун йўлда кўплаб танқидлар, гап-сўзлар бўлди, мен буларнинг ҳаммасидан тўғри хулоса чиқардим ва улардан куч олдим.
Мен ҳеч қачон пул учун ҳаваскор боксда жанг қилмадим. Фақат ва фақат Ватаним байроғини юқори кўтариб, Олимпия ўйинларида Ватаним учун олтин медални олиб бериш учун ҳаракат қилдим. Алҳамдулиллаҳ, биз буни уддаладик", деб ёзди Жалолов ижтимоий тармоқда.
