Марсело Брозович Хорватия терма жамоасидаги фаолиятини якунлаганини маълум қилди.
"Бу хайрлашув мактуби учун битта рақам етарли бўлади - 99. Мен Хорватия терма жамоасида кўп марта ўйнаш шарафига муяссар бўлганман ва шу рақам билан фаолиятимни шу ерда якунлайман.
Мен ҳар доим Хорватия учун юз фоиз куч ва иштиёқимни берганман. Бу менинг олдимдаги буюк ўйинчилар томонидан қўйилган меъёр, бу унутилмас авлоддагиларнинг барчаси бунга интилишади ва ундан кейингилар ҳам интилишлари керак. Мен орзу қилган ҳамма нарсани бошдан кечирганимни ва амалга оширганимни ҳис қиламан.
Мен ҳаммасини қанчалик соғинишимни биламан. Аммо сиз олдинга интишингиз керак ва кетганлар энг катта мухлислар бўлиб қолади. Хорватияда ажойиб жамоа, аввалгидек етакчилик қиладиган фахрийлар, ғалабага чанқоқ ва ўзларининг улкан муваффақиятлар сериясини давом эттиришга интилувчи иқтидорли ёшлар бор ва бундан кейин ҳам бўлади", – деди Брозович.
