Испания чемпионати 2024/25 йилги мавсумда ғалаба қозониш учун қайси жамоанинг имконияти юқори эканлиги маълум бўлди.

Opta Sports телеграм канали хабарига кўра, суперкомпьютер "Реал Мадрид"нинг Ла Лигадаги ғалабасини башорат қилган. Карло Анчелотти жамоасининг муваффақияти 86,8 фоизга баҳоланмоқда. Иккинчи ўринда “Барселона” (9,7 фоиз), учинчи ўринда “Атлетико” (2,2 фоиз) жойлашган.

Бундан ташқари, "Жирона" (0,8%), "Атлетик" (0,3%), "Реал Сосьедад" (0,2%) ва "Вильярреал"нинг (0,2%) олтин учун курашиш имконияти баҳоланди.

Испаниянинг амалдаги чемпиони - "Реал Мадрид". Ла Лиганинг янги мавсуми эртага, 15 август куни бошланади. Очилиш ўйинида "Атлетик" ва "Хетафе" иштирок этади.