"Бавария" бош директори Ян-Кристиан Дресен "Байер" директори Фернандо Карронинг сўзларига муносабат билдирди.
Олдинроқ "Байер" спорт директори Жонатан Танинг трансфери билан боғлиқ вазиятга изоҳ бериб, Макс Эберлни танқид қилган ва у билан музокара олиб бормаслигини айтганди. Кейинроқ кечирим сўради.
"Фернандо Карронинг Макс Эберлга шахсий ҳужуми бизни жуда ғазаблантирди. Бу ҳақда Фернандо Каррога шахсий суҳбатимда айтдим ва биз "Бавария"га қарши бундай асоссиз ҳужумларга ҳеч қачон тоқат қилмаймиз.
У хатосини тан олди ва омма олдида кечирим сўради. Барча спорт рақобатларига қарамай, биз барибир ўзаро ҳурмат асосида бўлишимиз керак", деди Ян-Кристиан Дресен Sky Sport нашрига.
