«Фиорентина» ярим ҳимоячиси Софьян Амрабатга ҳамон «Атлетико Мадрид» қизиқиш билдирмоқда.
«Матрасчилар» анчадан бери марокашлик футболчига даъвогарлар қаторида бўлиб келишган, бироқ ўтмишда ярим ҳимоячини сотиб олишга қурби етмаган.
Энди мадридликлар келишувни амалга ошириш имкониятига эга ва Диего Симеоне аллақачон Амрабат номзодини маъқуллаган, дея хабар беради журналист Санти Ауна.
27 ёшли футболчи «Манчестер Юнайтед»да ижарадан қайтганидан кейин ҳам янги клуб излашда давом этмоқда. Манбанинг хабарига кўра, Софьян Амрабат хизматлари аллақачон «Атлетико»га таклиф қилинган.
Ла Лига гиганти ёзги трансфер ойнаси ёпилишидан олдин трансфер музокараларини бошлаши мумкин.
