«Fiorentina» yarim himoyachisi Sofyan Amrabatga hamon «Atletiko Madrid» qiziqish bildirmoqda.
«Matraschilar» anchadan beri marokashlik futbolchiga da’vogarlar qatorida bo‘lib kelishgan, biroq o‘tmishda yarim himoyachini sotib olishga qurbi yetmagan.
Endi madridliklar kelishuvni amalga oshirish imkoniyatiga ega va Diyego Simeone allaqachon Amrabat nomzodini ma’qullagan, deya xabar beradi jurnalist Santi Auna.
27 yoshli futbolchi «Manchester Yunayted»da ijaradan qaytganidan keyin ham yangi klub izlashda davom etmoqda. Manbaning xabariga ko‘ra, Sofyan Amrabat xizmatlari allaqachon «Atletiko»ga taklif qilingan.
La Liga giganti yozgi transfer oynasi yopilishidan oldin transfer muzokaralarini boshlashi mumkin.